香港進入咗一個寒冬，吹緊嘅風又猛又凍，
我地發現，呢家嘅口罩，除咗要抵擋病毒，仲要識得抵擋「寒風」，逆風而行。
上年2020寒冬，香港爆發武漢病毒，香港人喺亳無支援下出現口罩荒，疫症當前人人要周圍撲口罩自救，幸好香港有好多良心公司/團體响世界各地搜羅口罩同設立生產線，我地上年亦都以成本價為大家製作出售「三萬個口罩套」盡力幫忙舒緩香港當時嘅口罩荒。到今年，已經再無出現口罩短缺嘅狀況，而街頭亦都逐漸湧現各式各樣嘅口罩款式，大家已經有心理準備未來一兩年要日日戴口罩與病毒長期共存。
踏入2021年，我地決定做一款更加驚艷嘅口罩。物料方面我地專登選用印度同德國布、台灣嘅filter，而且100%香港廠本地製造，口罩除咗係我地香港人着重嘅超高「Quality」，我地仲加入轉色元素：
「只要你一上到街頭，『香港人』就會慢慢變黃，只要你嘅心愈強大，『香港人』就會愈變愈黃！」
未來兩日我地會繼續update大家點樣可以買到我地嘅「香港人口罩」。呢款喺澳洲賣過二百蚊嘅同款口罩，我地將會以貼近成本價發售，希望為大家提供最抵用又高質嘅口罩體驗，俾更多香港人容易啲入手。大家幫手分享俾身邊更多朋友知啦，
重點係，
只 有 香 港 人 先 值 得 擁 有 ！！ ❤️
Search